9 C
Baku
Çərşənbə axşamı, Oktyabr 26, 2021

İstanbuldan Çinə yola çıxan ilk yük qatarı Ankaraya çatıb

Türkiyədən Çinə yola çıxan ilk ixrac qatarı dekabrın 6-da Ankaraya çatıb.

Qatar Kocaeli stansiyasından keçərək Türkiyə paytaxtına səmt alıb.

Bakı-Tbilisi-Qars dəmir yolu xətti və Transxəzər Şərq-Qərb dəhlizi vasitəsilə Çinə istiqamətində hərəkət edən qatar ümumilikdə 8693 kilometr yol gedəcək. Polad magistrallar üzərindən qrafik üzrə ləngimədən mənzil başına doğru gedən qatar 2 qitə, 2 dəniz və 5 ölkədən keçəcək. Hələlik qatarın hərəkətində heç bir ləngimə yoxdur.

Qeyd edək ki, ilk dəfə bu marşrut üzrə Çindən çıxan tranzit yük qatarı 2019-cu ilin noyabr ayında Praqa şəhərinə çatıb. Qatar sonradan Çin-Türkiyə-Avropa xətti üzrə 10 blokdan ibarət yüklə hərəkətdə olub. Bu dəfə isə ixrac yükü daşıyan qatar ilk dəfə Türkiyədən Çinə hərəkət edir.

Mənbə:Azərtac
Son xəbərlər
Oxşar xəbərlər