Azərbaycan Respublikasının Maliyyə Bazarlarına Nəzarət Palatası İstehlakçılarla iş idarəsində aparıcı mütəxəssis vəzifəsi üzrə vakansiya elan edir.
Azərbaycan Respublikası Prezidentinin 3 fevral 2016-cı il tarixli, 760 nömrəli Fərmanına uyğun olaraq, qiymətli kağızlar bazarı, investisiya fondları, sığorta, kredit təşkilatları (bank, bank olmayan kredit təşkilatları və poçt rabitəsinin operatoru) və ödəniş sistemləri fəaliyyətinin lisenziyalaşdırılması, tənzimlənməsi və nəzarəti, habelə cinayət yolu ilə əldə edilmiş pul vəsaitlərinin və ya digər əmlakın leqallaşdırılması, terrorçuluğun maliyyələşdirilməsinin qarşısının alınması sahəsində nəzarət sisteminin təkmilləşdirilməsini, həmçinin bu sahələr üzrə nəzarət sisteminin şəffaflığını və çevikliyini təmin etmək məqsədi ilə Azərbaycan Respublikasının Maliyyə Bazarlarına Nəzarət Palatası publik hüquqi şəxs yaradılmışdır.
Yüksək peşəkar və şəxsi keyfiyyətlərə malik, daim öz peşəkarlıq səviyyəsini təkmilləşdirən, yeni fəaliyyət üsullarının effektiv mənimsənilməsinə çalışan, biliklərini iş prosesinin səmərəsini artıracaq şəkildə tətbiq edə bilən və maliyyə bazarının uğurlu inkişafı üçün bütün gücünü səfərbər etməyə hazır olan hər bir uyğun namizəd bizə müraciət edə bilər.
TƏLƏB OLUNAN TƏHSİL VƏ İŞ TƏCRÜBƏSİ
- Tam ali təhsil (iqtisadiyyat/hüquq);
- Müvafiq sahə üzrə 3 il iş təcrübəsi;
- MS Office proqramlarında sərbəst işləmək bacarığı;
- Yüksək analitik və problemləri həll etmə bacarıqları, operativlik, təşəbbüskarlıq.
VƏZİFƏ ÜZRƏ ÖHDƏLİKLƏR VƏ FƏALİYYƏTLƏR:
- İdarəyə istehlakçılardan və investorlardan daxil olan müraciət və şikayətlərə baxılmasını və qanunvericiliklə müəyyən edilmiş qaydada araşdırmalar aparılmasını təmin etmək;
- İstehlakçıların və investorların maarifləndirilməsi sahəsində müvafiq tədbirlərin həyata keçirilməsini təmin etmək;
- İdarənin fəaliyyətinə dair aylıq, rüblük və illik hesabatların hazırlanmasını təmin etmək;
Göstərilən tələblərə cavab verən namizədlər öz CV-lərini mövzuda vakansiyanın adını qeyd etməklə [email protected] elektron ünvanına göndərə bilərlər.
