İsveçin Halland şəhərciyində tezliklə unikal çox funksiyalı bir qəsəbə yaradılacaq. Bu qəsəbədəki tikililərin üzərində günəş enerjisinin toplanması və nadir həşərat və quş növlərinin cəlb olunması üçün panellər quraşdırılacaq.
Evlərin damlarının qeyri-adi forması, həmçinin bir-birinə münasibətdə yerləşmə tərzi nəinki Günəş enerjisinin toplanmasına və nadir həşərat növlərinin cəlb olunmasına imkan verəcək, həmçinin ağacların kifayət qədər rahat üsulla becərilməsinə şərait yaradacaq. Layihənin həyata keçirilməsi ilə isə “Weatherhead Architecture” şirkəti məşğul olacaq. Vizual olaraq yuxarıdan baxdıqda qəsəbə öz formasına görə kəpənəyin qanadlarını xatırladır. Qəsəbənin ümumi ərazisi 2500 kvadrat metrdən çox olacaq.
