İsveçrə Covid-19 ilə beynəlxalq mübarizə çərçivəsində 400 milyon frank vəsait ayırır, bunun 200 milyonu Beynəlxalq Qırmızı Xaç Komitəsinə göndəriləcək.
Banker.az bu barədə “Ria.ru”ya istinadən xəbər verir.
“Covid-19 infeksiyasının inkişaf etməkdə olan ölkələrə göstərdiyi təsiri daha aydın görmək olar. Yoxsulluq, münaqişə və fəlakətin çiçəkləndiyi ölkələrdə vəziyyət onsuz da qeyri-sabit idi. Koronavirusun yayılmasının qarşısını almaq məqsədi ilə Federal Şura Beynəlxalq Qırmızı Xaç Komitəsinə 200 milyon faizsiz kredit verməyə qərar verib”, – bəyanatda deyilir.
Daha 175 milyon frank beynəlxalq təşkilatların Covid-19 ilə mübarizə çərçivəsində əlaqələrin gücləndirilməsinə yönəldiləcək. Vəsaitin konkret olaraq kimə ayrılacağını Federal Şura may ayında qərarlaşdıracaq.
