İsveçrə hakimiyyəti Ukraynadakı vəziyyətə görə Rusiyadan 141 fiziki şəxs və 49 şirkəti sanksiyalar siyahısına əlavə edib.
Bu barədə çərşənbə günü, dekabrın 21-də ölkənin İqtisadiyyat Nazirliyindən məlumat verilib.
Departamentin bəyanatında deyildiyi kimi, məhdudiyyətlər “Ukraynanın ərazi bütövlüyünü, suverenliyini və müstəqilliyini pozan və ya təhlükə yaradan hərəkətlər etmiş” fiziki və hüquqi şəxslərə şamil edilib. “Qara siyahı”ya Dövlət Dumasının deputatları, nazirlər, “təbliğatla məşğul olan” şəxslər və şirkətlər, eləcə də hərbi qulluqçular daxil edilib.
Belə ki, İsveçrə “Ukraynada həyəcanlı vəziyyətin davam etməsi” ilə əlaqədar Aİ-nin qəbul etdiyi yeni məhdudiyyətləri dəstəkləyir”, – nazirlik bildirib.
Dekabrın 16-da Aİ Şurası Ukrayna böhranı ilə əlaqədar Moskvaya qarşı doqquzuncu sanksiyalar paketinin tətbiqi ilə bağlı rəsmi qərarını dərc edib . Yeni tədbirlər aviasiya və kosmik sənaye ilə bağlı mal və texnologiyaların Rusiya Federasiyasına ixracına qadağaları genişləndirir.
