Sentyabr ayında İsveçrə saatlarının ixracı illik ifadədə 3,1% azalaraq 2 milyard İsveçrə frankına (təxminən 2,5 milyard dollar) düşüb. Bununla yanaşı, ABŞ-yə ixrac — İsveçrə saat istehsalçıları üçün ən böyük bazar — 55% azalaraq 198,5 milyon dollara enib. Bu məlumat İsveçrə Saat Sənayesi Federasiyasının hesabatında yer alır.
İsveçrə saatlarının ixracı ardıcıl ikinci aydır ki, azalır. Mütəxəssislər bunu Donald Tramp administrasiyasının İsveçrə məhsullarına 39%-lik idxal rüsumu tətbiq etməsi ilə əlaqələndirirlər.
ABŞ-yə ixracın azalması fonunda digər ölkələrə göndərişlər artıb:
– Böyük Britaniyaya — 15,2%,
– Çinə — 17,8%,
– Cənubi Koreyaya — 21,5%,
– Hindistana — 28,3% artım qeydə alınıb.
Bununla belə, İsveçrə məhsullarının ABŞ-yə ümumi ixracı sentyabr ayında avqustdakı 20%-lik azalmadan sonra 43% artıb. İsveçrə Gömrük İdarəsinin məlumatına görə, III rübün yekununda ümumi ixrac həcmi yenə də 8% azalıb.
