Dünyanın ən zəngin adamı və “Amazon” şirkətinin təsisçisi Jeff Bezos, media maqnatına məxsus malikanəni 165 milyon dollara alıb. Bu müqavilə Los-Anceles rayonu üçün rekorddur.
Banker.az “Vesti.ru”ya istinadən xəbər verir ki, “Warner Estate” adını almış malikanə 3,6 hektar sahəni əhatə edir. O, keçən əsrin 30-cı illərində, “Warner Bros” kino şirkətinin prezidenti Cek Uorner üçün tikilmişdi. Sahədə geniş terraslar, bağlar, bir neçə qonaq evi, tennis kortu və golf var. Yerli agentin verdiyi məlumata görə, bu dünyanın ən gözəl malikanələrindən biridir.
