AZCON Holding Aviasiya departamentinin Layihələrin idarə edilməsi şöbəsinə menecer vəzifəsinə vakansiya elan edir.

Vəzifə funksiyaları:

• Layihələrin strateji hədəflərə uyğunluğunu qiymətləndirmək, onların prioritetləşdirilməsi və resursların optimal bölgüsünə dəstək göstərmək;
• Mövcud və yeni layihələr üzrə maliyyə, əməliyyat və kommersiya analizlərini aparmaq;
• Layihələrin icra göstəricilərini (KPI-lar) izləmək, riskləri və kənarlaşmaları müəyyən etmək, risklərin azaldılması üzrə praktik tədbirlər təklif etmək;
• Biznes, maliyyə, strategiya və əməliyyat komandaları arasında koordinasiyanı təmin etmək;
• Biznes-planların hazırlanması, texniki-iqtisadi əsaslandırmalar və investisiya layihələrinin qiymətləndirilməsində iştirak etmək;
• Gəlirliliyin artırılması, xərclərin optimallaşdırılması və əməliyyat səmərəliliyinin yüksəldilməsi üzrə biznes təşəbbüsləri irəli sürmək;
• Rəhbərlik üçün analitik hesabatlar, təqdimatlar, “dashboard”lar və performans xülasələri hazırlamaq;
• Departamentin illik və orta müddətli planlarının hazırlanmasında iştirak etmək.

Əsas tələblər:

• Biznes analizi, strategiya, biznesin inkişafı, layihələrin idarə edilməsi və ya konsaltinq (idarəetmə, strategiya və ya korporativ konsaltinq) sahəsində minimum 5 il iş təcrübəsi;
• Maliyyə bilikləri (maliyyə hesabatları və investisiya qiymətləndirilməsi prinsipləri üzrə anlayış);
• İnfrastruktur, nəqliyyat və ya irihəcmli əməliyyat layihələri üzrə təcrübə üstünlükdür;
• “Excel”, “PowerPoint”, maliyyə modelləşdirməsi və analitik hesabatlılıq üzrə yüksək səviyyədə biliklər;
• Analitik düşüncə, strukturlaşdırılmış yanaşma və rəhbərlik səviyyəsində təqdimat bacarıqları;
• Azərbaycan dili (ana dili), ingilis dili (mükəmməl səviyyədə), rus dili (arzuolunan).