Avropa diplomatiyasının rəhbəri Josep Borrell Kiyevə gəlib. Bu barədə Ali Radanın deputatı Aleksey Qonçarenko məlumat verib.
Cənab Borrell sonuncu dəfə 2023-cü ilin oktyabrında Kiyevə səfər edib. Avropa diplomatiyasının rəhbəri daha sonra Ukrayna Prezidenti Vladimir Zelenski, Ukraynanın xarici işlər naziri Dmitri Kuleba və müdafiə naziri Rustem Umerovla görüşüb.
Dünən, fevralın 5-də Josep Borrell Varşavada keçirdiyi mətbuat konfransında Rusiyaya qarşı 13-cü sanksiyalar paketinin təfərrüatları barədə danışıb. Onun sözlərinə görə, Moskvaya sanksiyalardan yayınmağa kömək edən şirkətlərə qarşı məhdudlaşdırıcı tədbirlər tətbiq olunacaq. O, təsdiqləyib ki, Avropa İttifaqı paketi fevralın 24-nə, Ukraynada hərbi əməliyyatın başlanmasının ikinci ildönümünə qədər təsdiq etmək istəyir.
