Amerikanın “JPMorgan Chase” İlon Maskın tvitinə görə “Tesla”nı məhkəməyə verib.
Banker.az xəbər verir ki, maliyyə holdinqi müqavilənin pozulması səbəbindən şirkətdən 162.2 milyon dollar təzminat tələb edib.
Bank iddia edir ki, şirkət 2014-cü ildə birjada səhmlərin müqavilədə göstəriləndən daha baha olacağını vəd etsə də, bu şərti yerinə yetirə bilməyib. O vaxtdan bəri “Tesla”nın səhmlərinin qiyməti demək olar ki, on qat artıb.
“JPMorgan” müqavilə əsasında “Tesla” ilə əlaqəli əhəmiyyətli korporativ əməliyyatlardan sonra varrantların şərtlərinə düzəliş etmək hüququna mail olduğunu söyləyib.
