482 min manat mənfəət vergisi ödənişindən sonra “Kəpəz BOKT” MMC 2024-cü ili 1 milyon 857 min manat xalis mənfəətlə tamamlayıb. Əvvəlki illə müqayisədə, xalis mənfəət təqribən 33% artıb.
Banker.az bu barədə BOKT-un maliyyə hesabatına istinadən xəbər verir.
Hesabata əsasən, 2024-ci ildə “Kəpəz BOKT” MMC-nin faiz gəlirləri 823 min manat və ya 23% artaraq 4 milyon 402 min manata yüksəlib. Bu dövrdə faiz xərcləri isə cəmi 3% artaraq 874 min manat olub.
Ötən il BOKT-un aktivləri 2,3 milyon manat və ya 24% artaraq 9,8 milyon manatdan 12.1 milyon manata yüksəlib. 2024-cü ildə “Kəpəz BOKT” MMC-nin kredit portfeli 1.7 milyon manat və ya 18% artaraq 9 milyon manatdan 10.7 milyon manata yüksəlib.
