2023-ci ilin yanvar-aprel aylarında Azərbaycanda 8 938.8 ton kərə yağı istehsal edib.
Banker.az bu barədə Dövlət Statistika Komitəsinin rəsmi statistik göstəricilərinə istinadən xəbər verir ki, bu, ötən ilin müvafiq göstəriciləri ilə müqayisədə 2% azdır.
Qeyd edilən dövrdə Azərbaycana idxal edilən kərə yağı azalıb. Dövlət Gömrük Komitəsinin açıqladığı rəqəmlər görə, 2023-cü ilin yanvar-aprel aylarında Azərbaycana 34 milyon 443 min dollar dəyərində 6 198 ton kərə yağı idxal edilib. Ötən ilin eyni dövrü ilə müqayisədə idxal edilən kərə yağının dəyəri 13.5%, miqdarı isə 14.5% azalıb.
1 ton kərə yağının orta statistik dəyəri isə ötən ilin ilk 4 ayında 5 492 dollar ikən, cari ilin ilk 4 ayında 5 557 dollar təşkil edib.
