3 aprel 2025-ci ildə Kanadanın Baş naziri Mark Karni Şimali Amerika ticarət müqaviləsi USMCA ilə əhatə olunmayan ABŞ-dən idxal edilən avtomobillərə 25% tarif elan edib.
Karni qeyd edib ki, tədbir ABŞ-nin tariflərinə cavabdır. Onun sözlərinə görə, yeni rüsumlar ABŞ Kanadada istehsal olunan avtomobillərə tətbiq etdiyi tarifləri aradan qaldırana qədər qüvvədə qalacaq.
Eyni zamanda, Karni aydınlaşdırıb ki, yeni tariflər ABŞ-dən ehtiyat hissələrinin idxalına və Meksikadan avtomobillərin tədarükünə təsir göstərməyəcək.
Kanada hakimiyyəti ölkənin avtomobil sektorunu dəstəkləmək üçün yeni tariflərdən 8 milyard Kanada dollarına qədər (5.6 milyard ABŞ dolları ekvivalenti) əldə etməyi planlaşdırır.
