Kanada hökuməti ABŞ-dan enerji idxalı sahəsində asılılığını azaltmaq məqsədilə neft və qaz sektoruna dəstək kimi 1,6 milyard Kanada dolları (~ $1 milyard) ayırdığını elan edib.
Banker.az bu barədə hökumətin rəsmi saytında istinadən xəbər verir.
Kanadanın təbii sərvətlər naziri olan Amarcit Sohi, bu vəsaitlərin ayrılması ilə bağlı bildirmişdir ki, “qeyri-amerikan qlobal bazarlarda inkişaf məsələsindən daha əhəmiyyətli bir şey yoxdur”. Ayrılmış vəsait Kanada ixrac-kredit agentliyi vasitəsilə paylanacaqdır.
Kanadanın neft və qaz sektoru yaxın vaxtlarda ABŞ və Kanada arasında enerji infrastrukturunun məhdudlaşdırılması səbəbindən bəzi çətinlikləri yaşamış olur. Bunun nəticəsində Kanada nefti ABŞ-da istehsal olunan neftə nisbətən daha ucuz qiymətə satılır. 2018-ci ilin noyabr ayında Western Canadian Select markalı neftin qiymətləri bir barelə $15-dan aşağı düşüb.
Bütün bunların fonunda, Kanadanın əsas neft istehsalçısı olan əyalətin baş naziri Alberta Riçeyl Notli, 2019-cu il 1 yanvar tarixindən etibarən bölgədə neft hasilatının 8,7% azaldılacağını bildirib. Kanada əyalətinin rəhbərliyinin rəsmi bəyanatında deyilir ki, gündə 325 min barelə qədər olan bu azalma yığılmış neft ehtiyatların azaldılması məqsədilə 31 dekabr 2019-cu ilədək davam edəcək.
18 dekabr tarixi üçün Western Canadian Select neftin qiymətləri bir barelə $25 təşkil edir. Bu da Şimali Amerika WTI qarışığının qiymətindən əhəmiyyətli dərəcədə aşağıdır. Xatırladaq ki, WTİ qarışığının qiymətləri bir barelə $46,99 təşkil edir.
