17 C
Baku
Şənbə, May 28, 2022

Kanada Rusiya neftindən imtina edən ilk ölkə oldu

Kanadanın Baş naziri Castin Trüdo Rusiyadan xam neft tədarükünü dayandırmaq niyyətində olduğunu bildirib.

Banker.az bu barədə “Forbes.ru”ya istinadən xəbər verir.

“Biz prezident Putin və onun oliqarxlarına böyük fayda verən sənayenin – xam neftin idxalını qadağan etmək niyyətimizi elan edirik”, – mesajda deyilir.

Qeyd edək ki, Kanada dünyanın ən böyük neft ixracatçılarından biridir. Bu ölkədə Rusiyadan idxal olunan neftin payı bir faizdən də azdır. 2020-2021-ci illərdə Kanada Rusiyadan xam neft almayıb və yalnız neft məhsulları idxal edib.

Fevralın 24-də Rusiya prezidenti Vladimir Putin Ukraynada xüsusi hərbi əməliyyatın başladığını elan edib. Onun məqsədi, dövlət başçısının sözlərinə görə, Ukraynanın demilitarizasiyası və denasifikasiyası, eləcə də Donbassda “soyqırıma məruz qalan” insanların müdafiəsidir.

Son xəbərlər
Oxşar xəbərlər