“Kapital Bank” ASC 2025-ci ilin ilk rübündə ABŞ dollarında olan qiymətli kağızlar üzrə aktivlərini artırıb.
Banker.az bunu bankın rüblük maliyyə hesabatına istinadən xəbər verir.
Belə ki, bu göstərici 2025-ci ilin I rübündə 1 milyard 355.5 milyon manat (təxminən 796 milyon ABŞ dolları) təşkil edib. Halbuki, cari ilin əvvəli bu rəqəm 1 162,624 milyon manat (~ 682 milyon ABŞ dolları) idi.
Bu isə rüblük müqayisədə təxminən 16.6% artım deməkdir.
Bundan əlavə, “Kapital Bank”ın qiymətli kağızlar portfelində milli valyutada olan aktivlərin həcmi 1 milyard 694.29 milyon manat olub.
“Kapital Bank”ın qiymətli kağızlar portfeli müddətlərə görə belə bölünüb: 1 ilə 2 il arasında olanlar 1 milyard 655.73 milyon manat, 2 ildən 5 ilə qədər olanlar 1 milyard 281.58 milyon manat, 5 ildən çox müddətli kağızlar isə 541.59 milyon manat təşkil edir.
