1 aprel 2020-ci il tarixində “Kapital Bank” ASC-nin baş ofisinin Badamdar qəsəbəsindəki inzibati binasında (Bakı, M. Müşfiq küçəsi 2E, 3-cü mərtəbə, iclas zalı) bankın səhmdarlarının növbəti ümumi yığıncağı keçiriləcəkdir.
Banker.az Bankın elanına istinadən xəbər verir ki, gündəlikdəki məsələlər aşağıdakılardır:
“Kapital Bank” ASC-nin 2019-cu ilin yekunlarına dair maliyyə hesabatlarının təsdiq olunması; bank tərəfindən 2019-cu ilin maliyyə ilinin yekunlarına əsasən səhmdarlara dividend ödənilməsi və digər məsələlər yığıncağın gündəliyinə daxil edilib.
Məlumat üçün bildirək ki, bankın 1 yanvar 2020-ci il tarixinə 163,32 milyon manat balansında olan bölüşdürülməmiş mənfəəti var.
“Kapital Bank”ın 225,85 milyonluq səhm kapitalının 99,87%-i “PAŞA Holdinq” MMC-yə, 0,13%-i fiziki şəxslərə məxsusdur.
