Asiyada xalis sıfır karbon emissiyasına nail olmaq üçün 4 katrilyon yen (28 trilyon ABŞ dollarından çox) maliyyələşdirmə və investisiyaya ehtiyac olacaq.
Bunu Yaponiyanın Baş naziri Fumio Kisida deyib.
“Karbon qazı emissiyalarından xilas olmaq Asiya üçün ümumi vəzifədir. Biz bunun üçün bütün mümkün texnoloji dəstəyi təmin etmək və ümumi qanunvericilik bazasının inkişafına töhfə vermək niyyətindəyik”, – deyə o vurğulayıb.
Onun sözlərinə görə, bu məqsədlə regionda bütün dünyadan vəsaitin cəlb olunacağı nəhəng bazar yaradılacaq.
