Azərbaycanda 2025-ci ildə ət və balıq məhsullarının pərakəndə satışı üzrə əksər istiqamətlərdə illik artıb.
Banker.az Dövlət Statistika Komitəsinə istinadən xəbər verir ki, ətin pərakəndə satışı 2025-ci ildə 188.81 mln. manat təşkil edib ki, bu da 2024-cü ilin 130.49 mln. manat göstəricisi ilə müqayisədə 44.7% artım deməkdir. Ev quşları ətinin pərakəndə satışı isə 183.22 mln. manata çataraq illik müqayisədə 31.72% yüksəlib.
Ət məhsullarının pərakəndə satışı (quş əti məhsulları daxil edilməklə) 272.37 mln. manat olub. Bu göstərici əvvəlki illə müqayisədə 17.23% artım göstərib.
Bununla yanaşı, ət konservlərinin pərakəndə satışı azalıb. 2025-ci ildə bu seqment üzrə satış həcmi 14.65 mln. manat olub ki, bu da 2024-cü illə müqayisədə 4.18% azalma deməkdir.
Balıq məhsulları üzrə artım daha kəskin olub. Balığın pərakəndə satışı 36.3 mln. manata yüksələrək illik müqayisədə 45.33% artıb. Balıq konservlərinin pərakəndə satışı isə 122.4 mln. manat təşkil edib və bu, 41.32% artım anlamına gəlir.
| Azərbaycanda pərakəndə satışı, mln. manatla | ||
| Fəaliyyət növü | 2025-ci il | 2024-cü il |
| Ətin pərakəndə satışı | 188.81 | 130.49 |
| Ev quşları ətinin pərakəndə satışı | 183.22 | 139.09 |
| Ət məhsullarının pərakəndə satışı (quş əti məhsulları daxil edilməklə) | 272.37 | 232.33 |
| Ət konservlərinin pərakəndə satışı (quş ətindən konservlər daxil edilməklə) | 14.65 | 15.29 |
| Balığın pərakəndə satışı | 36.30 | 24.98 |
| Balıq konservlərinin pərakəndə satışı | 122.40 | 86.62 |
