20 C
Baku
Saturday, May 25, 2024

Keçmiş bank işçisinin 2 milyon ələ keçirərək ölkədən qaçdığı bildirilir – Araşdırma başladıldı

Bakıda 10 nəfərə yaxın şəxs külli miqdarda dələduzluqla üzləşdiklərini bildirərək hüquq-mühafizə orqanlarına müraciət ediblər.

Banker.az “Qafqazinfo”ya istinadən xəbər verir ki, polis və prokurorluq orqanlarına şikayət edən şəxslər Rzayev Elmin Rafiq oğlu tərəfindən aldadıldıqlarını və onlara 2 milyon manata yaxın ziyan dəydiyini iddia ediblər.

DİN-in 102 xidmətinə və Baş prokuror yanında Korrupsiyaya qarşı Mübarizə Baş İdarəsinə şikayət ərizəsi ilə müraciət edən vətəndaşlar E.Rzayevin keçmiş bank işçisi olduğunu, onlara gəlir vəd verərək xeyli miqdarda pul aldığını qeyd ediblər.

Onlar iddia ediblər ki, Elmin bir neçə şəxsdən ekoçanta istehsal etmə, onların ölkədəki xaricə şirkətlərə satışı, ev və maşın alışı-satışı kimi müxtəlif səbəblərlə ümumi 2 milyon manatdan çox vəsait alıb.

Şikayətçilər həmçinin E.Rzayevin həyat yoldaşı və anası ilə birgə aprelin 22-də Azərbaycanı tərk etdiyini deyiblər.

Əldə edilən məlumata görə, hazırda Baş Prokuror yanında Korrupsiyaya qarşı Mübarizə Baş İdarəsində E.Rzayev barəsindəki şikayətlərlə bağlı araşdırmalar aparılır.

Son xəbərlər
 ⁠
Digər xəbərlər