17 C
Baku
Saturday, April 13, 2024

Keniya ötən il qəhvə istehsalının 97%-ni ixrac edib

Keniya ötən il ərzində istehsal edilən 48.6 min ton kofenin 47 min tondan çoxunu (97 faiz – Qeyd) ixrac edib.

Bu barədə “Sinxua” agentliyi Kooperativlər və Mikro, Kiçik və Orta Müəssisələrin İnkişafı Nazirliyinin katibi Saymon Çeluqiyə istinadən məlumat yayıb.

Onun sözlərinə görə, 2023-cü ildə ölkə qəhvə ixracından 251 milyon dollardan çox gəlir əldə edib. Çeluqi Keniya-Kolumbiya Qəhvə Texniki Əməkdaşlıq Forumu zamanı deyib:

“Qəhvə sənayemizin üzləşdiyi bir çox problemlərə, o cümlədən beynəlxalq qiymətlərin dəyişməsinə və iqlim qeyri-müəyyənliyinə baxmayaraq, Keniya qəhvəsi qlobal səhnədə misilsiz keyfiyyəti ilə öz nüfuzunu qoruyub saxlamaqda davam edir”.

Keniya qəhvəsinin əsas ixrac istiqamətləri ABŞ, Belçika, Almaniya, Cənubi Koreya, İsveç, Avstraliya, Danimarka və Norveçdir.

O qeyd edib ki, hökumət sənayeni daha da maliyyələşdirmək və onun artımını stimullaşdırmaq üçün 27.4 milyon dollar dəyərində Qəhvə Albalı Fondunun yaradılması kimi bir sıra islahatlar həyata keçirir.

MənbəReport
Son xəbərlər
Digər xəbərlər