“Kia” şirkəti ikinci nəsil yığcam “Niro” krossoverini təqdim edib. Qeyd edək ki, avtomobilin təqdimatı “Seoul Mobility Show” çərçivəsində keçirilsə də, istehsalçı yeniliyin yalnız xarici görünüşünü nümayiş etdirib.
Banker.az xəbər verir ki, avtomobilin texniki xüsusiyyətləri 2022-ci ildə açıqlanacaq.
Ənənəvi olaraq “yaşıl” avtomobillər üçün salon təkrar emal olunan materiallarla işlənib. Ümumilikdə, krossoverin dizaynı 2019-cu il “HanaNiro” avtomobilindən götürülüb.
“Kia Niro” qlobal model statusuna malikdir və ildə təxminən 130 min tirajla satılır. 2022-ci ilin birinci rübündə dilerlər hibrid, ikinci rübdə isə elektrikli modifikasiyalar buraxacaqlar.
