Bəzi insanlar digərlərinə nisbətən qənaət etməkdə böyük çətinlik çəkirlər. Bu çətinliyi yaradan səbəblərdən biri də həmin şəxslərin sahib olduqları xarakterlərdir.
Toronto universitetinin professoru Jacob Hirsch insanın maliyyə davranışının onun şəxsiyyət növündən asılılığını araşdırmışdır. Onun gəldiyi nəticəyə görə ekstravertlər (öz davranışlarını daha çox ətrafdakı insanlara yönümlü təşkil edənlər, özünə qapalı olmayanlar) səmərəli maliyyə davranışına sahib deyillər. Onlar daha çox az, lakin daha tez gəlir əldə etməyə can atır və hətta ən iri miqdarda gəlir üçün belə gözləmək istəmirlər. Xarakterin bu şəkildə olmasının yekunu adətən düşünülməmiş edilən alış-verişlər və hətta iri həcmli kredit borcları olur.
Hirsch öz araşdırmasının yekununda müxtəlif ölkələrdə ekstravertlik həcminin ÜDM-da ümumi milli qənaət payına təsirini də təhlil etmişdir. Beləliklə, əhali arasında ekstravertlər nə qədər çox olarsa, qənaət payı bir o qədər aşağı olar.
Əlbəttə, bu o demək deyil ki, ekstraversiya qənaət həcminə təsir edən yeganə amildir. Lakin aydındır ki, şəxsiyyət növü maliyyə davranışına əhəmiyyətli dərəcədə təsir edir və bir insanın davranışının daha geniş sosial və iqtisadi nəticələr yarada biləcəyini göstərir.
