“Koronavirusun Gürcüstanın turizm sektoruna təsiri ilə bağlı narahatçılığa heç bir əsas yoxdur”.
Banker.az xəbər verir ki, bunu qonşu Gürcüstanın Milli Turizm Administrasiyasının rəhbəri Mariam Kvrivişvili jurnalistlərə açıqlamasında bildirib.
O, builki turizm ilinin uğurla başladığını deyib: “Hazırda turizm sənayesində yaxşı tendensiya müşahidə olunur. Ötən ay əhəmiyyətli artım templəri olub və turizm gəlirlərində 20 faiz artım qeydə alınıb”.
Xatırladaq ki, son zamanlaradək elm üçün naməlum qalan virus Çində kəskin ağciyər xəstəliklərinə səbəb olur. Onu artıq digər ölkələrdə də aşkar ediblər. Buna görə artıq dünya ölkələri bu ölkə ilə turizm və digər ticari əlaqələrini dayandırıblar.
