Qiymətli Kağızlar üzrə Dövlət Komitəsi tərəfindən “KredAqro” QSC faizli təmin edilməmiş, sənədsiz adlı istiqrazlarının emissiya prospekti qeydə alınmışdır.
Emissiya prospektinə əsasən, yerləşdirmə kütləvi təklif üsulu ilə Bakı Fond Birjası QSC-də həyata keçiriləcək.
Banker.az BFB-na istinadən xəbər verir ki, ümumi həcmi 3 000 000 manat olan emissiya çərçivəsində hər birinin nominal dəyəri 250 manat olan 12 000 ədəd istiqraz buraxılıb.
İstiqraz üzrə faiz dərəcəsi 14%, faiz ödəniş dövrünün müddəti 3 aydan bir, istiqrazların tədavül müddəti isə 2 il, müəyyən olunub.
Yerləşdirmənin anderrayteri “InvestAZ” MMC-dir.
İstiqrazları əldə etmək istəyən şəxslər BFB-nin üzvü olan və broker lisenziyasına malik olan təşkilata müraciət edə bilər.