Saxta kartların qarşısı alına və kassalarda ödənişlərin daha tez həyata keçirilməsi mümkün ola bilər. Belə ki, İsveçin Lund Universitetində təhsil alan Fredrik Leifland bir qrup tələbə ilə birgə layihə hazırlayıb. Layihənin adı isə “Quixter”dir. Kredit kartlarına rəqib ola biləcək “Quixter” sadə ödəmə sistemidir.
İstifadə qaydası isə çox rahatdır. Ovcunuzu sadəcə cihaza tanıtmağınız lazımdır. Sonra isə telefon nömrənizin son dörd rəqəmini cihaza daxil etdiyiniz zaman ödəniş həyata keçirilir.
Qeyd edək ki, layihənin təcrübədə uğurlu olub-olmamasını istifadəçilər müəyyən edəcəklər.
