Azərbaycanda fəaliyyət göstərən kredit təşkilatlarının kredit qoyuluşlarının həcmi 2015-ci il oktyabrın 1-ə 19 113,5 mln. manat təşkil edib.
Azərbaycan Mərkəzi Bankından (AMB) “APA-Economics”ə verilən məlumata görə, avqust ayı ilə müqayisədə sentyabrda iqtisadiyyata kredit qoyuluşu 982,3 mln. manat və ya 4,89% azalıb.
AMB-dən bildirilib ki, azalma Azərbaycan Beynəlxalq Bankında aparılan restrukturizasiya tədbirləri ilə əlaqədardır.
Ümumiyyətlə, son 1 ildə 2014-cü ilin müvafiq dövrü ilə müqayisədə iqtisadiyyata kredit qoyuluşu 1 481,9 mln. manat və ya 8,40% çoxdur.
