Kreditorlar Yunanıstan ilə yeni 3 illik yardım proqramı barədə danışıqları 6 avqust tarixində başa çatdırmaq və bu proqram əsasında ölkəyə ilk vəsaitləri 17 avqusta qədər ayırmaq niyyətindədir. Bloomberg agentliyinin verdiyi məlumata görə, Afina bu tarixdə borclar üzrə növbəti ödənişləri etməlidir.
Kreditorlar hazırda sazişin şərtləri üzərində işləməkdədir və bu şərtlər çərçivəsində Yunanıstana 86 milyard avro ayrılmalıdır. Eyni zamanda, danışıqların növbəti şərtləri bir çox şərtlərdən asılı olacaq.
Qeyd edək ki, çərşənbə günü Yunanıstan parlamenti növbəti qanun layihəsinə səsvermə keçirəcək.
