2017-ci ildən bəri kriptovalyuta və blokçeyn firmalarının vençur investorlarından cəlb etdiyi vəsaitlərin ümumi həcmi 90 milyard dolları ötüb. Bu məlumatı “The Block” yayıb. Fevral ayında analitiklər 2017-ci ildən bəri 9500-dən çox investisiya əməliyyatının həyata keçirildiyini bildiriblər.
“Animoca Brands”, “Polychain Capital Framework Ventures” və “Shima Capital” yüksək fəallıq nümayiş etdiriblər. Əhəmiyyətli əməliyyatlar arasında analitiklər “Tether” və “Solana” həmtəsisçisi Anatoli Yakovenkonun “Oobit”ə 25 milyon dollarlıq sərmayə qoyduğunu vurğulayırlar.
Statistikaya görə, cəlb edilən investisiyaların orta həcminin azalması ilə əməliyyatların sayı artıb. Birinci göstəricinin dinamikası aylıq əsasda sabit qalır, ikinci göstərici isə 2021 və 2022-ci illərin göstəricilərindən xeyli aşağıdır.
Xatırladaq ki, 2023-cü ildə vençur kapitalistləri blokçeyn startaplarına 10.7 milyard dollar sərmayə qoyublar.
