Qlobal kriptovalyuta bazarının kapitallaşması rekord 3.91 trilyon dollara çatıb. “Bitcoin”in qiyməti iyulun 14-də mütləq maksimumu yeniləyib və 123 min dolları keçib. “Ethereum” uzunmüddətli enişdən sonra 2024-cü ildən bəri ən yüksək həddə çatıb.
Cümə günü ETH/USDT-nin dəyəri 3.6 min dolları keçib. XRP (Ripple) sikkəsinin dəyəri yanvar ayında tarixi maksimumu yeniləyərək 3.6 min dollardan yuxarı qalxıb. İnvestorların kriptovalyutalara marağı ABŞ hökumətinin bu cür aktivlərdən istifadənin genişləndirilməsi təşəbbüslərinə dəstəyi fonunda artıb.
Prezident Donald Tramp kiçik kriptovalyuta əməliyyatlarına görə vergilərin ləğv edilməsinin tərəfdarı olduğunu bildirib. Bir gün əvvəl ABŞ Nümayəndələr Palatası kripto sferasını yumşaq şəkildə tənzimləmək üçün qanun layihələri paketini təsdiqləyib. Cənab Trampın siyasi rəqibləri hesab edirlər ki, onun siyasəti kriptovalyutalardan istifadə etməklə korrupsiya və qanunlardan yayınma üçün geniş imkanlar açır.
