Ukraynanın xarici işlər naziri Dmitri Kuleba İranın xarici işlər naziri Hüseyn Əmir Abdullahianla danışıb.
Bu barədə Kuleba rəsmi tviter səhifəsində bildirib. O, iranlı nazirlə söhbətində Rusiya Federasiyasının Xəzərin statusu haqqında Konvensiyanı pozduğunu vurğulayıb:
“Mən İranın xarici işlər naziri Hüseyn Əmir Abdullahianla danışdım, o, İranın Rusiya ilə son təmasları barədə mənə məlumat verdi. Biz ikitərəfli geniş spektrli məsələlər ətrafında fikir mübadiləsi apardıq. Rusiyanın bu bölgədən Ukraynaya raketlər ataraq Xəzərin statusu haqqında Konvensiyanı pozduğunu vurğuladım”.
