Ukrayna xarici işlər naziri Dmitri Kuleba və ABŞ dövlət katibi Entoni Blinken arasında telefon danışığı olub.
Bu barədə Ukrayna XİN başçısı “Twitter”də bildirib.
Onun sözlərinə görə, telefon danışığı zamanı ABŞ dövlət katibi Ukraynaya dəstəyini bir daha təsdiqləyib və “Ukraynanın döyüş meydanında qalib gəlmə qabiliyyətinə şübhə yaratmaq cəhdlərini qətiyyətlə rədd edib. Ukraynanın etibarlı tərəfdaşı olan ABŞ bütün diqqətini qələbəmizi irəlilətməyə və ədalətli sülhü təmin etməyə yönəldib”, – Kuleba paylaşımında qeyd edib.
