Lənkəran Şəhər İcra Hakimiyyətinin başçısı Taleh Qaraşova yeni müavin təyin edilib.
Banker.az xəbər verir ki, Əliyeva Ülviyə Qalib qızı icra başçısının müavini təyin olunub.
Ülviyyə Əliyeva 1995-ci ildə Bakı Dövlət Universitetinin filologiya fakültəsini bitirib. 2019-cu il tarixindən Lənkəran Dövlət Universitetinin doktorantıdır. 1993-2006-cı illərdə Lənkəran şəhər 9 nömrəli məktəbdə ixtisası üzrə müəllim, 2007-2010-cu illərdə Şilavar kənd ümumi orta məktəbində direktor, 2011-ci ildə Xüsusi İnternat məktəbində direktor, 2011-2020-ci illərdə Lənkəran Şəhər 7 nömrəli tam orta məktəbdə direktor, 2020-2022-ci illərdə Lənkəran Şəhər Təhsil şöbəsinin müdiri və Lənkəran-Astara Regional Təhsil İdarəsinin Lənkəran sektoru üzrə müdiri, 2022-ci ildən son təyinatadək isə Astara rayonu üzrə təhsil sektorunun müdiri vəzifəsində çalışıb.
