“Lənkəran Sərnişin” ASC 2022-ci ili 20 888 manat zərərlə başa vurub. 2021-ci ildə ASC-nin zərəri 41 785 manat təşkil edib ki, bu da illik müqayisədə 2 dəfə azalma deməkdir.
Banker.az bu barədə şirkətin maliyyə hesabatına istinadən xəbər verir.
Ötən il “Lənkəran Sərnişin” ASC-nin əsas əməliyyat gəlirləri 481 min manat (əvvəlki ilə nisbətən 53% çox), sair əməliyyat xərcləri 502 min manat (41% çox) olub.
Hesabat dövrünün sonuna şirkətin cəmi aktivləri 504 min manat, cəmi kapitalı 288 min manat təşkil edib.
