Latviya səfərbərlikdən yayınan Rusiya Federasiyası vətəndaşlarına humanitar viza verməyəcək. Bunu ölkənin xarici işlər naziri Edqars Rinkeviçs deyib. Onun sözlərinə görə, bu, təhlükəsizlik baxımından zəruridir. Həmçinin, ölkə ruslar üçün sentyabrın 19-da tətbiq edilən sərhədi keçmək məhdudiyyətlərini dəyişdirməyəcək.
Banker.az bu barədə “Secretmag”a istinadən xəbər verir.
Qeyd edək ki, avqustun 5-də Latviya rusların viza almaq üçün müraciət qəbulunu dayandırıb.
Avqustun 19-da Litva və digər Baltikyanı ölkələr ruslara və belaruslara Aİ-nin digər ölkələrində onlara verilmiş Şengen vizası ilə ölkələrinə səfər etməyi qadağan edib. Söhbət turizm, idman, mədəniyyət və ya biznes məqsədi ilə edilən səfərlərdən gedir.
Sentyabrın 21-də Rusiya prezidenti Vladimir Putin qismən səfərbərlik elan edib.
