Rusiya Cənubi Qafqazı sülh, davamlı inkişaf və firavanlıq zonasına çevirməkdə maraqlıdır.
Bunu Rusiya xarici işlər naziri Sergey Lavrov Düşənbədə Azərbaycan və Ermənistan XİN başçıları ilə keçirilən üçtərəfli görüşdə bildirib.
“Ümid edirəm ki, bugünkü görüş liderlərimizin müəyyən etdiyi yolla irəliləməyə imkan verəcək”, – deyə Rusiya XİN rəhbəri bildirib.
Sergey Lavrov qeyd edib ki, Moskva tərəflər arasında etimadın artırılmasında və Ermənistan-Azərbaycan əlaqələrinin tam normallaşması üçün şərait yaradılmasında maraqlıdır.
