8 C
Baku
Friday, March 29, 2024

“Lenovo Global Technology” Azərbaycanda törəmə şirkətini təsis edib

Vergilər Nazirliyinin saytındakı məlumata əsasən, “Lenovo Global Technology Azerbaijan” MMC 16 oktyabr 2019-cu ildə dövlət qeydiyyatından keçib.

Nazirliyin saytında qeyd olunur ki, “Lenovo Global Technology Azerbaijan”ın qanuni nümayəndəsi Rusiya Federasiyası və MDB ölkələrində “Lenovo Global Technology” şirkətinə rəhbərlik edən Dmitri Parşindir

“Lenovo Global Technology” şirkətinə data mərkəzləri üçün məhsullar istehsal edən altı zavod, həmçinin, yeddi ETTKİ mərkəzi və dünyanın müxtəlif ölkələrində məlumat emalı mərkəzləri üzrə texnologiyaların təkmilləşdirilməsi üçün 46 laboratoriya məxsusdur. Şirkətin bütün qitələrdə nümayəndəlikləri var ki, o öz həlləri və xidmətlərini 160-dan çox ölkədə müştərilərə təqdim edir.

“Hüquqi şəxsin təsis olunması Azərbaycanın həm dövlət sektoru, həm də bank sahəsində həyata keçirilən irimiqyaslı layihələr sayəsində mümkün olmuşdur. Bu layihələrdən biri də Azərbaycan Mərkəzi Bankı üçün “Blockchain Texnologiyasına əsaslanan Rəqəmsal İdentifikasiya Sistemidir”, – deyə “Lenovo Global Technology” şirkətinin MDB ölkələrində hiperkonverqent infrastruktur biznesinin inkişafı üzrə meneceri, Azərbaycan, Tacikistan və Türkmənistanda satış təmsilçisi Rasim Bəxşi bildirib.

©Oxu.az

Son xəbərlər
Digər xəbərlər