4 C
Baku
Friday, March 29, 2024

Liderlik sahəsində güvəni gücləndirən 5 taktika

Siz liderlik sənətinə heç vaxt mükəmməl şəkildə yiyələnə bilməyəcəksiniz. Belə ki, liderlik – təyinat nöqtəsi deyil, prosesdir: illərlə davam edən və hər an uğursuzluq kimi görünə bilən özünüz üzərində iş.

Hamımız müəyyən vaxtlarda gerçək lider olmaq üçün nə etməli olduğumuzu unuduruq. Karyeramda liderlik haqqında öyrəndiyim ən vacib şey “yumşaq bacarıqlar”dır. Söhbət böyük müdir olmaqdan, düzgün paltar geyinməkdən və ya son qərarın həmişə siz tərəfdən verilməsindən getmir. Əsas odur ki, digər insanların sizə etibar etməsi üçün əlinizdən gələni edəsiniz və ona uyğun davranasınız.

Budur, sizə liderlik qabiliyyətinizi təkmilləşdirmək üçün beş taktika təqdim edirik:

1. Əks əlaqə tərzinizi dəyişdirin ki, insanlar bilsinlər: dediklərinizi nəzərdə tutursunuz

Əgər hər bir işçiyə başa çatmış hər hansı bir tapşırıq haqqında “Yaxşı işdir” deyirsinizsə, bu sözlərin heç bir məna kəsb etmədiyini nəzərinizdə saxlayın. Effektiv liderlik hər zaman insanları tərifləmək demək deyil. Tədqiqatlar göstərir ki, “mənfi” əks əlaqə (adekvat şəkildə təqdim edilərsə) hamısından faydalıdır. İnsanlar öyrənmək və böyümək istəyirlər, qarşılarına bu gün dünənkindən daha yaxşı olmaq məqsədini qoyurlar. Konstruktiv tənqid –  əsl liderin sahib olduğu “yumşaq” bacarıqdır.

Burada “Sendviç metodu” populyardır (müsbət, konstruktiv və yenə müsbət rəy). Unutmayın: tənqid etmək və konstruktiv rəy bildirmək bir-birindən kökündən fərqli olan anlayışlardır.

2. İşdənkənar liderliyin digər nümunələrinə baxın

Mən Stanton&Company şirkətinə rəhbərlik edirəm. Eyni zamanda artıq bir neçə ildir ki, rəqs dərsləri alıram. İlk baxışdan rəqs və PR bir-birindən tamamilə fərqli şeylərdir. Lakin rəqs dərsləri zamanı fərqli öyrənmə üslublarını müşahidə edə, o cümlədən özündə idarəçiliyə yeni yanaşma formalaşdıra bilərsiniz.

Şəxsən mən özünü təqdim edərkən və ürəkdən danışarkən, liderlik bacarıqlarınızı gücləndirdiyimi düşünürəm.

3. Əgər bir şey yolunda getmirsə, əvvəlcə bütün məsuliyyəti öz üzərinizə götürün

Həmişə komandama deyirəm ki, hər hansı bir səhv, ilk növbədə, mənim məsuliyyətimdir, çünki şirkətin rəhbəri mənəm. Rəhbər vəzifələrində “qurban” obrazına girmək çox asandır. Belə ki, ortaya müəyyən problemlər çıxdıqda, vəziyyət sizin nəzarətinizdə deyil kimi görünə bilər. Lakin bu, problemi daha da böyüdür. Nəticədə tamamilə hər şeyə bu şəkildə yanaşmağa başlayırsınız.

Əsl liderlər nümunə götürürlər və başqalarını tənqid etməzdən əvvəl problemlərə verdiyi töhfələri qəbul edirlər.

4. Başqalarına da səhv etməyə icazə verin

Mikromenecment nadir hallarda effektiv olur. İnsanlar öyrənmək üçün səhv etməlidirlər. Aydındır ki, bu cür səhvlərə nəzarət altında baş verdikdə daha yaxşı olur. Lakin sizin əsas məqsədiniz insanların özlərini rahat və inamlı hiss etdikləri bir mühit yaratmaqdır. Bu onlara sadə işçidən həqiqi komandaya çevrilmək imanını verəcəkdir.

Doğrudur, bu, səbr tələb edir, çünki insanları öyrətmək və rəhbərlik etmək üçün vaxt lazımdır. Bir şey səhv olduqda, işçilərinizə birləşməyə kömək etməlisiniz. Hər şeydən əvvəl işçilərinizin müəyyən zamanlarda səhv edəcəkləri ilə barışmalısınız.

5. Aktiv şəkildə düşünün və tez-tez işçilərinizin rəyini alın

Liderlik ətraf mühitlə birlikdə dəyişməli və inkişaf etməlidir, yəni baş verən dəyişiklərə mütləq diqqət yetirməliyik. Adətən işçilərin səmimi fikirlərini rəhbərliklə asanlıqla paylaşa biləcəkləri yerlərdə iş daha keyfiyyətli olur.

Rəhbər insanların bir-birlərini eşidib-eşitmədiyini başa düşməlidir və komanda ilə ünsiyyət qurarkən yalnız ən effektiv metodlardan istifadə etməlidir. Buna nail olmağın tək yolu – əlverişli mühit yaratmaqdır.

Lider düşüncələrinin vakuumunda işləyə bilməz. Başqalardan rəy alarkən, daha çox şey əldə etmiş olursunuz.

 

Son xəbərlər
Digər xəbərlər