Livandan İsrail ərazisinə pilotsuz uçuş aparatları (PUA) ilə hücum olub.
Bu barədə İsrail Müdafiə Ordusundan bildirilib.
Məlumata görə, texnikalar Eyn Hafaretz bölgəsində zərərsizləşdirilib.
Qeyd edək ki, oktyabrın 7-də HƏMAS İsrailə bir neçə min raket atıb. Bunun fonunda İsrailin milli təhlükəsizlik naziri İtamar Ben-Qvir həmin gün ölkədə fövqəladə vəziyyət elan edib. İsrailin Baş naziri Benyamin Netanyahu ölkənin müharibə vəziyyətində olduğunu bəyan edib.
