Venesuela hakimiyyəti Bolivar Respublikasinin Mərkəzi Bankından Uqandaya 8 ton qızıl qaçırıb.


Kredit müraciəti

Sizin müraciətiniz banka göndərildi.

Banker.az  TASS-a istinadən xəbər verir ki, bunu dünənki çıxışında müxalifətin nəzarəti altında olan Milli Assambleyanın (ölkə parlamenti) deputatı Anhel Alvarado deyib.

“Venesuelanın Mərkəzi Bankından fevralın 23-nə qədər çıxarılmış həmin 8 ton qızıl Uqandada peyda olub, lakin “tam olaraq deyil”, 600 kiloqramı çatmır, – qanunverici orqanın üzvü özünün “Twitter” mikrobloqunda yazıb. – Onları qaçaq mal kimi saxlayıblar. Uqandaya xatırladırıq ki, bu qızıl Venesueladan qeyri-qanuni çıxarılıb və Venesuela Mərkəzi Bankı ələ keçirilib”.

Venesuela Mərkəzi Bankı

Cari ilin yanvar ayında “Bloomberg” agentliyi İngiltərə Bankının öz anbarlarında olan Venesuela qızılının prezident Nikolas Maduro hökumətinin sorğusu əsasında qaytarmaqdan imtina etməsi barədə məlumat vermişdi. Agentlik bildirirdi ki, buna səbəb ABŞ-ın bəzi rəsmi şəxslərinin, o cümlədən milli təhlükəsizlik üzrə ABŞ prezidentinin köməkçisi Con Boltonun və dövlət katibi Maykl Pompeonun “Venesuela rejiminin xarici aktivləri idarə etməsinə imkan verməmək” xahişi olmuşdu.

Sonradan o da məlum oldu ki, mövcud hökumətə qızılın qaytarılmaması xahişi ilə İngiltərə Bankının başçısı Mark Karniyə və Böyük Britaniyanın baş naziri Tereza Meyə Venesuela müxalifətinin lideri Xuan Quaydo da müraciət edib. Britaniya hakimiyyətinə məktubunda Quaydo bildirib ki, Maduro hökuməti qızılı satmaq və əldə olunmuş pul vəsaitləri hesabına “Venesuela xalqına qarşı repressiyaları” gücləndirmək niyyətindədir.

Nikolas Maduro

Yanvarın 23-də bundan iki gün əvvəl Ali Məhkəmə tərəfindən parlament sədri vəzifəsinə təyin olunması barədə qərarı ləğv edilmiş Quaydo özünü Venesuela prezidentinin vəzifələrini icra edən şəxs elan etmişdi. Elə həmin gün ABŞ onu müvəqqəti dövlət başçısı kimi tanıdı, daha sonra bu qərara Lima Qrupu (Meksika istisna olmaqla), Amerika Dövlətləri Təşkilatı, bir sıra digər ölkələr qoşuldu. Maduro baş verənləri dövlət çevrilişinə cəhd adlandırdı və ABŞ-la diplomatik əlaqələrin kəsildiyini elan etdi. Onu Rusiya, Belarus, Boliviya, İran, Çin, Kuba, Nikaraqua, Salvador, Suriya və Türkiyə dəstəklədilər./virtualaz.org