- “Güclü o şəxs deyil ki, qalib gəlsin. Güclü şəxs qəzəbləndiyində qəzəbini cilovlaya biləndir”.
- Məhəmməd Peyğəmbərin həyat qaydaları Buxarinin Müxtəsər “Səhih” kitabı və Məhəmməd Peyğəmbər (s.a.s) haqqında olan digər materiallar əsasında tərtib edilmişdir.
- Heç kim aclıq çəkməməlidir. Varlılar kasıbları talan etməməli, güclülər isə kasıbları əzməməlidir.
- Yeni doğulmuş qız uşaqlarınızı basdırmaqdan əl çəkin.
- Allah qadını kişiyə yol yoldaşı olaraq yaratdı. O fərqlidir. Lakin onların haqqı bərabərdir.
- İslam üçün millətlər arasında fərq yoxdur. Bir ərəb digər bir millətin nümayəsindən üstün deyil. Ağ dərili bir insan qara dərili insandan üstün deyil. Hər kəs Allah qarşısında bərabər doğulub.
- İnsanın əməli onun niyyətinə görə qiymətləndirilir və hər bir insanın niyyəti hara, mənzili ora.
- İnsan özünə arzuladığını qardaşına da arzulamayınca əsl imanlı şəxs olmaz.
- İman gətirmiş iki dəstə arasında mübahisə yaranarsa onları barışdırın.
- Ən yaxşı müsəlman odur ki, digər heç bir müsəlman onun dilindən və əlindən ziyan görməsin.
- Utancaqlıq imandandır!
- Bir insan yalnız Allahın ruzisinə sığınaraq bütün qazancını ailəsi üçün xərcləyərsə bu onun üçün sədəqə hesab olunur (“Sədəqə” – ehtiyacı olan insanlara könüllü şəkildə edilən yardım).
- Qardaşının zalım və yaxud məzlum olmasından asılı olmayaraq ona yardım et.
- Qadının özü ilə məsləhətləşməmiş (dul və boşanmış) onu ərə verməyin. Bu həmçinin qız uşağına da aiddir.
- Bir insanı elə olmadığı təqdirdə şərəfsizlik və kafirlikdə ittiham etdikdə bu ittiham onu günahlandıran şəxsin özünə qayıdar.
- İnsanlar haqqında pis fikirlərdən çəkinin, çünki əslinə qaldıqda pis fikirlər dünyada ən yalancı sözlərdir! Sizə aid olmayan məsələləri araşdırmayın, söz gəzdirməyin, qiymətdə aldatmayın, bir-birinizə həsəd aparmayın, nifrt etməyin, bir-birinizdən üz döndərməyin!
- Allah inamınızı sınaqdan keçirmək üçün sizə uğursuzluq göstərər.
- Alimin qələminin mürəkkəbi şəhidin qanından üstündür. Belə isə elm öyrənin, öyrəndikdə isə digərlərini də öyrədin.
- Allah özünü digər insanlardan üstün hesab edəni sevməz.
- Dində məcburiyyət yoxdur. Kiminə iman gətirməsi üçün bir neçə il, kiminə də sayılı dəqiqələr lazımdır. Zamanı isə Allah təyin edir.
- Qan tökmək, ağacları kəsmək və canlıları məhv etmək olmaz.
1news.az
