1. İlk tələbat – “rahatlıqdır”. İnsanlar bəzi əşyaları sırf rahatlıq səbəbindən alırlar. İstənilən məhsulu və yaxud xidməti rahatlığa görə almaq olar. Bu əsasən məhsul və yaxud xidmətdən deyil, müştəridən və alıcıdan asılıdır. Təklif etdiyiniz məhsul yüksək dərəcəli rahatlıq nümayiş etdirməsə belə, öz satıcılıq və təqdimetmə qabiliyyətlərinizdən istifadə edərək müştəridə maraq hissi yarada bilərsiniz. Misal olaraq ayaqqabı. Elə ayaqqabı brendləri var ki, adları çəkildikdə müştərilərin ağlında ilk olaraq rahatlıq hissi yaranır.
2. Müştərilərin məhsulunuzu almaqlarında ikinci ən böyük motivator əminlik, etibarlılıq və təhlükəsizlikdir. İnsanlar təhlükəsizlik siqnazlizasiyalarını, metal qapıları, özünümüdafiə vasitələri və seyfləri özlərini və əmlaklarını qorumaq üçün alırlar. Əgər hələ də nə satışı ilə məşğul olacağınızı seçməmisinizsə bu barədə bir daha düşünməyə dəyər.
3. Satış prosesində üçüncü motiv prestijdir. Bahalı saatlar və qələmlər, bahalı paltarlar, portfellər, məşhur brendlərin eynəkləri, bahalı avtomobillər sırf prestij xətrinə alınır. Mütləq olaraq bahalı qələmdən istifadə edilməlidir deyə bir qayda yoxdur, axı adi 20 qəpiklik qələm ilə də yazmaq mümkündür. Lakin bu gün ki günümüzdə insanlar sadəlik əvəzinə prestijə daha çox önəm verir.
4. Burada dördüncü motivator – ünsiyyətdir. İnsanlar bir çox halda hər hansısa məhsulu sırf ünsiyyət qurmaq arzusu ilə əldə edirlər: iş yoldaşlarına tort, spirtli içkilər, güllər, konfet və s. almaq. Ünsiyyət motivatoru ən güclü motivatorlardan biridir. Buna görə də, əgər sizin məhsulunuz və yaxud xidmətiniz ünsiyyət qurmaq imkanını asanlaşdırırsa, müştərilər sevinclə onu əldə edəcəklər.
5. Beşinci motivator – avtoritetdir. Əgər siz müştəriyə desəniz ki, bu saatdan məşhur siyasətçi və yaxud çox zəngin biznesmen istifadə edir; məşhur bir şoumen məhz bu avtomobildən sürür; bu mənzildə tanınmış şair yaşayıb – bütün bunlar alıcıların məhsula olan maraqlarını, diqqətini daha da artırır. Bir neçə il əvvəl ABŞ-da bazar dəyəri 5-6 milyon dollar olan bir mənzil yalnız bir səbəbə görə 8 milyon dollara satılmışdı: bu səbəb o idi ki, nə vaxtsa bu evdə Barak Obama yaşayıb. Mənzil vaxtilə burada yaşamış şəxsin statusu və populyarlığı səbəbindən öz bazar dəyərindən artıq olan bir məbləğə satılmışdı.
6. Bu siyahıda sonuncu motiv- sağlamlıqdır. İnsanlar özlərini yaxşı hiss etmək və sağlam olmaq üçün əhəmiyyətli dərəcədə böyük məbləğlər xərcləməyə hazırdırlar. Əgər sizin təklif etdiyiniz məhsul və yaxud xidmət birbaşa olaraq sağlamlığın qorunmasına və hətta onun bərpa olunmasına yönəlibsə, bütün bunlar məhsulunuza olan tələbatı artıracaq.
Comments are closed.