Azərbaycan Respublikası Mərkəzi Bankının İdarə Heyətinin qərarı ilə 2020-ci ilin yayında təsis edilən “Total Finans Kredit İttifaqı” MMC-yə lisenziya verilib.
Banker.az bu barədə Mərkəzi Banka istinadən xəbər verir.
Kredit ittifaqı mənafe ümumiliyi əsasında könüllü birləşən fiziki şəxslərin və (və ya) kiçik sahibkarlıq subyekti olan hüquqi şəxslərin sərbəst pul vəsaitlərini cəmləşdirmək yolu ilə özlərinin qarşılıqlı kreditləşdirilməsi üçün yaratdıqları bank olmayan kredit təşkilatıdır.
Azərbaycanda lisenziyası olan kredit ittifaqlarının sayı 43-ə çatıb.
2020-ci ilin 22 iyulunda təsis edilən “Total Finans Kredit İttifaqı” MMC-nin nizamnamə kapitalı 4 004 manatdır və qanuni təmsilçisi Ruslan Ağazadə Vaqif oğludur.
AMB sonuncu dəfə 2021-ci ilin iyununda “Zirvə Kredit İttifaqı” MMC-yə lisenziya vermişdi. Buna qədər isə adətən ölkədə kredit ittifaqlarının lisenziyalarının ləğvini müşahidə edirdik.
