Mərkəzi Bankın “AniPay”i ilə əməliyyatların həcmi 117 milyon manata yüksəldi

Azərbaycan Mərkəzi Bankının 2020-ci ilin oktyabrından işə düşmüş Ani Ödənişlər Sistemi (AniPay) ilə əməliyyatların həcmində aybaay artım müşahidə edilir.

Banker.az xəbər verir ki, 2021-ci ilin iyul ayında AÖS ilə 20 milyon manat olmaqla cari ilin aprelindən sonra ən böyük rəqəm olub.

Ölkədə AÖS ilə əməliyyatların həcmi işə salındığı gündən bu günə qədər 165 milyon manat təşkil etmiş, bunun da 117 milyon manatı 2021-ci ilin yanvar-iyul aylarının payına düşüb.

AÖS fiziki şəxslər, biznes qurumları və dövlət orqanları arasında ödəniş əməliyyatlarının 24/7/365 rejimində bank hesabları üzərindən sadələşdirilmiş identifikatorlar vasitəsilə (FİN kod, VÖEN, mobil nömrə, e-poçt) aparılmasına və pul vəsaitinin dərhal vəsait alanın bank hesabında əks olunmasına imkan verir.