Azərbaycan Mərkəzi Bankının valyuta ehtiyatları son ayda azalıb.
Bu barədə Banker.az-a AMB-dən bildirilir.
Mərkəzi Bankın valyuta ehtiyatlarının həcmi 1 dekabr 2021-ci il tarixinə 7 milyard 018.7 milyon ABŞ dolları təşkil edib.
Bu da son ayda 22.4 milyon dollar, yaxud 0.32% azalma deməkdir.
İlin əvvəli ilə müqayisədə 10%, ötən ilin eyni dövrü ilə müqayisədə isə 9.47% artıb.
Qeyd edək ki, avqust ayından başlayaraq AMB-nin valyuta ehtiyatlarının həcmi 7 mlrd. dolların üzərinə çıxıb, artım əsasən avqust ayında kvotaya uyğun BVF-nin SDR bölgüsü çərçivəsində Azərbaycanın SDR limitinin artırılması ilə bağlıdır.
