Banker.az saytı olaraq bu dəfə sizə Azərbaycan Respublikasının Qiymətli Kağızlar üzrə Dövlət Komitəsinin sədri Rüfət Cəbrayıl oğlu Aslanlı haqqında məlumat verəcəyik.
O, 1970-ci ildə Bakı şəhərində anadan olub.
1993-cü ildə Azərbaycan Dövlət İqtisad İnstitutunu fərqlənmə diplomu ilə bitirmişdir. 1993-cü ildə Aqrar Sənaye Bankında mühasibat uçotu idarəsində əmək fəaliyyətinə iqtisadçı kimi başlamış və 1994-cü ilin iyul ayından dekabr ayınadək aparıcı iqtisadçı vəzifəsində işləmişdir.
1994-cü ilin dekabr ayından Azərbaycan Respublikası Mərkəzi Bankının Baş pul-kredit siyasəti və valyutanın tənzimi idarəsində aparıcı iqtisadçı, 1995-ci ildən baş iqtisadçı, 1998-ci ildən isə həmin idarənin valyuta nəzarəti şöbəsinin rəisi vəzifələrində çalışmışdır.
2000-ci ilin iyul ayından Kredit təşkilatlarının fəaliyyətinə nəzarət departamentinin direktoru, 2001-ci ilin dekabr ayında Azərbaycan Respublikası Milli Məclisinin qərarı ilə Azərbaycan Republikası Mərkəzi Bankının İdarə Heyətinin üzvü seçilmişdir.
2006-cı ildə Mərkəzi Bankın Baş direktoru vəzifəsinə təyin edilmişdir.
2006-ci ilin dekabr ayında ikinci dəfə Azərbaycan Respublikası Milli Məclisinin qərarı ilə Azərbaycan Republikası Mərkəzi Bankının İdarə Heyətinin üzvü seçilmişdir.
2007-ci ilin fevral ayında Azərbaycan Republikası Mərkəzi Bankının İdarə Heyəti sədrinin müavini vəzifəsinə təyin edilmişdir.
2008-ci ilin noyabr ayında Azərbaycan Respublikasının Qiymətli Kağızlar üzrə Dövlət Komitəsinə sədr vəzifəsinə təyin edilmişdir.
Ailəlidir, 3 övladı var.
