Macarıstan şirkəti “Chevron”un AÇQ-dəki payını $2 mlrd.-dan çox məbləğə ala bilər

View of the Central Azeri platform, which is located off the coast of Azerbaijan, in the Caspian Sea.

Macarıstanın “MOL” enerji şirkəti Xəzər dənizinin Azərbaycan sektorunda “Azəri-Çıraq-Günəşli” yataqlar blokunun işlənməsi layihəsində Amerikanın “Chevron” şirkətinin payını ala bilər.

Reuters agentliyinin məlumatına görə, əqdin dəyəri $2 mlrd.-ı ötəcək.

Bakıda Rəqəmsal transformasiyaya aid master-class keçiriləcək

Hazırda tərəflər arasında alqı-satqı üzrə danışıqlar aparılır.

Agentlik qeyd edir ki, öncə “MOL” “AÇG”-nin iştirakçısı olan Amerikanın hər iki neft şirkətinin payı ilə maraqlanıb, lakin yalnız “Chevron”un 9,75% səhminin sövdələşməsində iştirak etməyi qərar alıb.

“Chevron” və “MOL” agentliyə məsələni şərh etməkdən imtina edib.

Xəbər verildiyi kimi, 2018-ci ilin dekabr ayında “Exxon” və “Chevron” AÇG layihəsindəki paylarını satmaq planları barədə bəyan ediblər.

Daha əvvəl SOCAR-ın prezidenti Rövnəq Abdullayev bildirmişdi ki, SOCAR və onun “Azəri-Çıraq-Günəşli” yataqlar blokunun işlənməsi layihəsi üzrə tərəfdaşları satışa çıxarılacaq payların alınması ilə bağlı tenderdə iştirak etmək niyyətindədir.

“Azəri”, “Çıraq” yataqlarının və “Günəşli” yatağının dərinsulu hissəsinin işlənməsi haqqında müqavilə 1994-cü il sentyabrın 20-də imzalanıb və elə həmin ilin dekabrın 12-də qüvvəyə minib. Müqavilənin müddəti 2024-cü ildə başa çatmalı olsa da, 2017-ci il sentyabrın 14-də Bakıda AÇG blokunun 2050-ci ilədək işlənməsi haqqında yeni müqavilə imzalanıb.

Yeni müqavilədə BP (Britaniya – layihənin operatoru) 30,37%, SOCAR 25%, “Chevron” (Amerika) 9,57%, “ExxonMobil” (Amerika) 6,79%, ONGC (Hindistan) 2,31%, “Inpex Corp.” (Yaponiya) 9,31%, “ITOCHU Oil” (Yaponiya) 3,65%, “Statoil” (Norveç) 7,27%, TPAO (Türkiyə) 5,73% pay sahibidir.

Yeni saziş çərçivəsində 2050-ci ilədək investisiya qoyuluşları $43 mlrd. məbləğində qiymətləndirilir və 500 mln. tondan çox neft hasil olunacağı nəzərdə tutulur.

Azərbaycanda hasil olunan neftin 2/3 hissəsi AÇG blokunun payına düşür. 

©İnterfaks-Azərbaycan


Kredit müraciəti

Sizin müraciətiniz banka göndərildi.

24 saat işləyən filiallar 24 saat işləyən exchangelər Şənbə günü işləyən bank filialları