Venesuela ABŞ-nin tətbiq etdiyi və ölkə iqtisadiyyatına ziyan vuran bütün məhdudlaşdırıcı tədbirlərin ləğvinə nail olacaq.
Bunu Venesuela Prezidenti Nikolas Maduro yerli televiziya kanalları tərəfindən yayımlanan Milli Assambleyaya (Parlament) illik müraciətində bildirib.
“Biz Venesuela Bolivar Respublikasına qarşı tətbiq edilən bütün sanksiyaların tamamilə ləğvinə nail olacağıq”, – deyə prezident bildirib.
Prezident ABŞ sanksiyalarını 2015-ci ildən bu yana ölkəyə 642 milyard dollardan çox iqtisadi ziyan vuran “iqtisadi soyqırım və kütləvi iqtisadi qətl” adlandırıb.
