1 C
Baku
Cümə, Yanvar 21, 2022

Maşın nömrələrinin verilməsinə görə rüsum artıb

Bu gündən dövlət qeydiyyat nişanlarının verilməsinə görə rüsumlar dəyişib.

Bu, “Dövlət rüsumu haqqında” Azərbaycan Respublikasının Qanununda dəyişiklik edilməsi barədə” qanunda əksini tapıb.

Dəyişikliyə əsasən, 2022-ci il yanvarın 1-dən avtonəqliyyat vasitələri üçün verilən dövlət qeydiyyat nişanında əks olunmuş rəqəmlərin və ya hərflərin kombinasiyası üzrə rüsumlar aşağıdakı kimi artırılıb:

– 001, 002, 003, 004, 005, 006, 007,008, 009 üçün:

– müxtəlif seriya – 1500 manatdan 2000 manata;

– eyni seriya – 2500 manatdan 3000 manata;

100, 200, 300, 400, 500, 600, 700, 800, 900 –

– müxtəlif seriya: 1000 manatdan 1500 manata,

– eyni seriya: 1500 manatdan 2000 manata;

111, 222, 333, 444, 555, 666, 777, 888, 999 –

– müxtəlif seriya: 500 manatdan 1000 manata,

– eyni seriya: 1000manatdan 1500 manata qaldırılır.

Yuxarıda göstərilmiş rəqəm və ya hərflərin kombinasiyası istisna olmaqla, avtonəqliyyat vasitələri üçün digər dövlət qeydiyyat nişanlarının verilməsinə, habelə cədvəl hissəsində göstərilmiş rəqəm və ya hərflərin kombinasiyası da daxil olmaqla, dövlət qeydiyyat nişanının təkrar verilməsinə görə 30 manat rüsum müəyyənləşəcək. Əvvəl bu rəqəm 22 manat idi.

Motonəqliyyat vasitələri, traktor, tikintidə, meşə və kənd təsərrüfatında, başqa işlərdə istifadə üçün nəzərdə tutulan özügedən maşınlar, texnoloji, yarış məqsədli idman və digər mexaniki nəqliyyat vasitələri, onların qoşqu və yarımqoşquları üçün dövlət qeydiyyat nişanlarının verilməsinə görə rüsum 11 manatdan 15 manata qaldırılır.

Qanuna əsasən, qeydiyyat şəhadətnaməsinin verilməsinə görə də rüsumlar artırılır.

– avto-moto nəqliyyat vasitələri üçün – 25 manatdan 30 manata;

– traktor, tikintidə, meşə və kənd təsərrüfatında, başqa işlərdə istifadə üçün nəzərdə tutulan özügedən maşınlar, texnoloji, yarış məqsədli idman və digər mexaniki nəqliyyat vasitələri, onların qoşqu və yarımqoşquları üçün – 5 manatdan 10 manata qaldırılır.

Yol şəbəkəsinin müəyyən hissələrinə yük daşıyan nəqliyyat vasitələrinin və avtobusların buraxılması barədə xüsusi buraxılış vəsiqələrinin verilməsi – 10 manatdan 15 manata, avtomobil yollarının ayırma zolağında inşa olunan obyektlərdə təhlükəsiz hərəkət sxemlərinin hazırlanması və razılaşdırılması – 10 manatdan 15 manata, avtomobil yollarının vahid dövlət reyestrindən çıxarış verilməsi üçün rüsumlar 10 manatdan 15 manata qaldırılır.

 

 

Son xəbərlər
Oxşar xəbərlər