Elon Mask İsrail Rabitə Nazirliyi ilə “Starlink”lərin istifadəsi ilə bağlı razılığa gəlib.
Bu barədə İsrailin rabitə naziri Şlomo Karhi “X” hesabında bildirib.
“Elon Mask, mənim rəhbərliyim altında Rabitə Nazirliyi ilə prinsipial anlaşma əldə etdiyiniz üçün sizi təbrik edirəm. Bu əhəmiyyətli razılaşma nəticəsində “Starlink” peyk qurğuları Qəzza zolağı da daxil olmaqla yalnız İsrail Rabitə Nazirliyinin icazəsi ilə İsraildə işlədilə bilər”, o bildirib.
